सूरजगड इस्पात आणि एम. आय. ए. एम. चॅरिटेबल ट्रस्टकडून ५ लाख रोपांचे योगदान
★ ग्रीन गडचिरोली मिशनला मोठी चालना
नागपूर ( दि. ९ जुन २०२६ ) जागतिक तापमानवाढ आणि पर्यावरणीय आव्हानांना तोंड देताना ग्रामीण भागात शाश्वत रोजगारनिर्मिती घडवून आणण्याच्या उद्देशाने सूरजगड इस्पात प्रा. लि. आणि एम. आय. ए. एम. चॅरिटेबल ट्रस्ट यांनी ग्रीन गडचिरोली मिशन अंतर्गत 5 लाख रोपांचे योगदान जाहीर केले आहे.
या उपक्रमाला अधिकृत स्वरूप देताना सूरजगड इस्पातच्या संचालिका आणि एम. आय. ए. एम. चॅरिटेबल ट्रस्टच्या संस्थापक नीतू जोशी यांनी महाराष्ट्राचे मुख्यमंत्री देवेन्द्र फडणवीस यांची मुंबईत भेट घेऊन गडचिरोलीला हरित, पर्यावरणपूरक आणि आत्मनिर्भर जिल्हा बनविण्याचा संकल्प मांडला.
हा उपक्रम केवळ वृक्षारोपणापुरता मर्यादित नसून पर्यावरण संवर्धनासोबत रोजगारनिर्मितीचे उद्दिष्टही साध्य करतो. या मिशनअंतर्गत ५ लाख रोपे लावली आणि संवर्धित केली जाणार आहेत, ज्यामुळे हरित क्षेत्र वाढेल, जैवविविधतेचे संरक्षण होईल आणि पर्यावरणीय समतोल मजबूत होईल.
या प्रकल्पाचा सर्वात महत्त्वाचा भाग म्हणजे त्याचा सामाजिक परिणाम. रोपवाटिका, वृक्षारोपण आणि संबंधित उपक्रमांद्वारे २०० हून अधिक महिलांना रोजगाराच्या संधी उपलब्ध झाल्या
